འཇིགས་མེད་བསམ་པའི་རེ་བ།

དུས་ ད་རེས་ཐོབ་པའི་དགའ་བ་འདི་   ཉིད་ལམ་བཟུམ་སྦེ་ དུས་ཚོད་ཐུང་ཀུ་ཅིག་ནང་ རྫོགསཔ་ཨིན།  རང་ལུ་ཕོག་བའི་སྡུག་བསྔལ་འདིནི་   རྒྱ་མཚོ་ཆེན་མོ་ཅིག་བསྐོར་ར་རྐྱབ་པའི་སྐབས་ གནམ་ལོག་ལྷོད་ཚུགས་ག་ཟེར་ མནོ་བསམ་གཏང་མ་ཚུགས་པའི་ དུས་ཚོད་ཁར་ལྷོད་ཡོདཔ་ཨིན། དེ་འབདཝ་ལས་ རང་ལུ་དཀའ་ངལ་དང་སྡུག་བསྔལ་འདི་   དུས་རྟག་བུ་ རང་གི་གཟུགས་ཀྱི་གྱིབ་མ་བཟུམ་སྦེ་ བྱུངམ་བྱུངམ་ས་ར་སྡོདཔ་ཨིན། འཛམ་གླིང་ནང་སྡོད་པའི་རིང་ལུ་ ཐ་དམ་ཚིག་དང་  ལས་རྒྱུ་འབྲས་ལུ་ བརྩི་མཐོང་བསྐྱེད་ཤེས་པ་ཅིན་  རང་གི་ཕམ་ལུ་ཞབས་ཏོག་ཞུ་ནི་དང་  རྒྱལ་ཁབ་ལུ་ཕྱག་ཞུ་ཐངས་  རང་དགའ་བའི་གཉེན་གྲོགས་ལུ་ ཐ་དམ་ཚིག་ལེགས་ཤོམ་སྦེ་ བསྟེན་ནི་དང་  བུ་གཞི་ལུ་བརྩེ་བ་བསྐྱེད་ཤེས་དགོཔ་འདི་ ག་ནི་བ་ཁག་ཆེ་བས།  དེ་བཟུམ་ ཧ་གོ་མ་ཤེས་པ་ཅིན་  ད་རེས་ན་བའི་དུས་ལུ་  བུ་གཞི་ ཕམ་མེད་མེད་མི་ ལེ་ཤ་ཅིག་ར་མཐོང་དོ་ཡོདཔ་ཨིན།